مش كل أم أو أب عندهم خبرات كافية لتربية الأطفال بالطريقة الصحيحية. عشان كدا فكرت وزارة الصحة في تسليم الأمهات ورقة فيها مواعيد التطعيمات وأنواع الأكل اللي المولود بياخده بالتدريج حسب نموه في الشهور الأولى وفي السنتين الأولانيين من عمره. ولكن غير الأكل والتطعيمات هناك حاجات كتير ممكن الأمهات ما تعرفهاش وتبقى مش عارفة تسأل مين خصوصاً لو الطفلـ/ـلة عندها صعوبات في النوم أو الكلام أم الحركة أو أنه /أنها مش بتنزل من على كتفها أبداً وتعيق الأم أو الأب في استمرار واجباته ومهامه.
ولما بيكبر الطفلـ/ـة ممكن تبقى فيه مشكلات زي: فرط الحركة- صعوبة التركيز - تأخر الكلام والتواصل- عدم حب التعليم - نوبات الغضب وعدم سماع الكلام .
أما مرحلة المراهقة فغالباً ما بتكون العلاقة بين الوالدين وأبنائهم فيها عقبات ممكن حلها بالاستعانة بمن هم مؤهلين لإعطائنا النصيحة ونثق فيهم.
عشان كدا فكرنا في مشروع مركز استشاري يكون بيجمع ما بين أنه مركز طبي للأطفال استشاري وتدريبي للأمهات والآباء اللى عاوزين استشارات وتدريب على التعامل مع الطفلـ/ـة خلال مراحل نموه المختلفة، عشان نبقى أصحاب ولادنا لما يكبروا.
