برنامج تطوير التعليم الورشة التدريبية طرق تعليم القراءة والكتابة
قبل أن نوضح لحضراتكم الطريقة التي نقترحها عليكم للعمل بها في تعليم ...
اقرأ المزيد- تاريخ النشر |
- 2022-05-14
بنلعب سوا
إحنا ف الجمعيه بنلعب عشان اللعب مهم جداً للطفولة إللى الأطفال محرومين منها لأنهم ساكنين في مناطق ما فيش فيها خدمات كتير، وأهمها التعليم . وأهاليهم ف الأغلب أرزقية فما بيبقوش ف البيت معاهم يهتموا بيهم وأغلب العيال مطلوقة ف الشارع بحلاوته لأنه حرية لكن مخاطره كلنا عارفينها. اللعب مش مهم بس للطفل عشان تنمية قدراته، لكنه مهم ف تطوير علاقاته مع كل إللي حواليه من البشر ودا بنسميه: التنشئة الاجتماعية.
اقرأ المزيدبنبدع سوا
لما الواحد يسمع كلمة الإبداع يتخض ويقول أنا مالي يا عم، الإبداع ده للناس المتعلمة تعليم عالي قوي، ودول عادة بيبقوا ف مكاتبهم ولابسين نظارات ونازلين حرت ف الكتب، ومالهمش ف العيشة بتاعتنا. وبيقول لنفسه أنا على قد حالي وتفكيري بسيط ولا يمكن أكون مبدع وما عنديش وقت للكلام دا لأنه رفاهية فأنا بادور على لقمةالعيش.
اقرأ المزيدبنتعلم سوا
كل واحد بيتعلم لوحده وبطريقته وكلنا عندنا خبرات م المدرسة وم الحياة. لكن تعليم المدرسة بيدينا أساس لمعلومات تفيدنا ف حياتنا، وبيعلمنا إزاي نفكر بالاعتماد على الحقايق (زي فكرة التجارب العملية ف المعمل ونتايجها الواضحة) وبنتدرب على إن فيه أكتر من طريقة وأداة تساعدنا ع التفكير (زى استخدام الخرايط ف الجغرافيا واستخدام المتر ومقياس الرسم ف الهندسة). لكن برضه فيه اتجاهات جديدة ف التربية بتقول إننا بنتعلم من بعض. وعشان كدا فيه مجموعات بتذاكر وبتعمل واجبات ومشروعات سوا عشان يتعلموا يكملوا خبرات بعض ويكون عندهم روح الفريق.
اقرأ المزيدبنسافر سوا
بنسافر سوا رحلات ومعسكرات، كل رحلة أو معسكر فيهم بيكون له أهداف كتيرة. ورغم أن أي رحلة ممكن تكون أغلبها ترفيهيى زي يوم ف العين السخنة لكن فكرة تدوير السلطة والمسئوية ما بتغيبشعن عن بالنا فيها. بنخصص الشتاء للرحلات إللى أغلبها تعليمي زى زيارة مراكزالاستكشاف ومكتبة الإسكندرية ، والصيف للمعسكرات ورحلات الشواطي على البحر.
اقرأ المزيد
